Моделот Birkin Voyageur првично ѝ бил подарен на пејачката и актерката, сопруга на легендарната француска музичка икона Серж Генсбур, во 2003 година. На аукцијата организирана од Sotheby’s во Абу Даби, во петок (5 декември), конечната цена достигна околу шест пати повеќе од проценетата вредност од 230.000 до 400.000 долари.
Првата некогаш создадена Birkin торба прототип изработен специјално за актерката во 1985 година стана најскапата торба на светот, откако претходно оваа година беше продадена на аукција во Париз за 8,5 милиони евра. Комерцијализираната верзија на торбата на Џејн Биркин стана еден од најексклузивните модни додатоци во светот, а за нејзино купување постојат повеќегодишни листи на чекање. Торбата е создадена случајно, кога Биркин во текот на лет од Париз за Лондон во 1980-тите му се пожалила на тогашниот директор на Hermès, Жан-Луј Дима, дека на пазарот не може да најде доволно голема торба.
Двајцата тогаш, според зборовите на Биркин, во авионот го нацртале прототипот на торбата, а таа подоцна се согласила моделот да се продава под нејзиното име. Од Sotheby’s тврдат дека постојат седум карактеристични елементи во дизајнот кои го разликуваат рачно изработениот прототип од подоцнежните модели.
Извор: bizlife.rs
